Үндістанда апатқа ұшыраған Air India Express ұшағының «қара жәшігі» табылды. Құтқару операциясы аяқталды, деп хабарлайды BBC.
Дубайдан қайтып келе жатқан «Боинг 737» ұшағы жаңбырдың салдарынан жолақта тайғанап, екіге бөлініп қалған. Ұшақта коронавирус салдарынан өзге елде қалып қойған 184 жолаушы болған. Ұшақ жұма күні Кожикоде қаласындағы «Каликут» әуежайына қонар кезде апатқа ұшырады. Соңғы мәліметтер бойынша, апат салдарынан екі ұшқышты қоса алғанда барлығы 18 адам мерт болды. 156 адам ауыр жарақат алды.
