Өткен және оның алдыңғы жылдары қазан мен наурыз айлары аралығында Қазақстанда 600 мыңнан 1 миллионға дейін адам тұмаумен ауырған. Бұл туралы Денсаулық сақтау министрлігінің ресми өкілі Бағдат Қожахметов Орталық коммуникациялар қызметінде өткен брифингте айтты.
"Осы күзде коронавирус инфекциясын жұқтырушылардың саны күрт көбеюі мүмкін. Бұл маусымдық тұмау мен ЖРВИ-дің қозуымен байланыстырылып отыр", - деді Қожахметов.
Оның айтуынша, Денсаулық сақтау министрлігі оның алдын алуға дайын.
"Өткен жылы және оның алдыңғы жылдары, орта есеппен, Қазақстанда қазан мен наурыз айлары аралығында 600 мыңнан 1 миллионға дейін қазақстандықтар тұмау мен ЖРВИ жұқтырды. міне, күзде де осынша адам ЖРВИ мен тұмауға қайта шалдығуы мүмкін,бұған коронавирус қосылуы ықтимал", - деді министрліктің ресми өкілі.
