Грузия премьер-министрі Мамука Бахтадзе отставкаға кететінін хабарлады. Оның айтуынша, мемлекет «ел дамуының страгтегиялық негізін» құрып, оны жүзеге асырған. Осы тұрғыда ол «өз миссиясы орындалды» деп есептейді.
«Мен үшін премьер-министр болып, Грузияның мүддесін қорғау үлкен құрмет пен жауапкершілік болды. Мен «Грузин арманының (Грузиядағы басқарушы партия) мүшесі болғанмын, болып қаламын. Әрі мемлекеттің адал жауынгері де болып қала беремін», – деді Бахтадзе өзінің түйін сөзінде.
Бұған дейін грузиялық БАҚ премьер лауазымына Георгий Гахария тағайындалуы мүмкін екендігін хабарлаған еді.
Атап өтерлігі, Гахарияның отставкасын маусымда қарсылық акциясын ұйымдастырғандар талап еткен. Бұған ресей депутаттары делегациясының басшысы Сергей Гавриловтың Грузия парламенті спикерінің орнын уақытша басуы себеп болды. Ал 8 шілдеден бастап Ресей Грузиямен әуе хабарларын тоқтатты.
