Пархач көлінде өлі балықтардың табылуына байланысты тексеру басталды

Алматыдағы Пархач көлінде өлі балықтардың табылуына байланысты тексеру басталды. Бұл туралы Экология министрлігінің telegram каналында хабарлады.

Бұл жерге министрліктен қалалық экология департаменті, «Қазгидромет» және Алматы қалалық орман шаруашылығы және жануарлар дүниесі инспекциясы қызметкерлері келді. Көлде су сынамалары алынады, мамандар балықтардың жаппай қырылуының себебін анықтайды.

Экология министрлігі кезекті рет азаматтарды демалыс аймақтарында тазалық және тәртіп сақтауға, өздерінің соңдарынан қоқысты жинап жүруге шақырады. Заңбұзушылықтар болған жағдайда кінәлілер жазаланады. Жақын арада азаматтардың қоршаған ортаға келтірген зияны үшін жауапкершілік күшейтіледі.

Еске салсақ, алматылықтар Алматының Түрксіб ауданындағы Пархач көлінің ластануына шағымданған. Қала тұрғындары жағалаудағы қалдықтар мен қоқыстардың, сондай-ақ өлі балықтардың бейнетүсірілімін жасаған.

 

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.