Бұл жайында Polisia.kz хабарлады. Олардың мәліметінше, 16 миллион теңге салынған сейфті 37 жастағы азамат интернет-дүкеннің кеңсесінен ұрлаған. Ер адамның қылмыстық жоспарды жүзеге асыруы үшін небәрі 10 минут кеткені анықталған.
«1983 жылы туған М. есімді ер адам таңғы бестерде кеңсенің алдыңғы есігінің құлпын сындырып, ішке кіріп, сол жерден кішкене өлшемді темір сейфті алып кеткен. Осы қылмысты ашу үшін арнайы тергеу-жедел тобы құрылды, оның қызметкерлері күдіктіні анықтады. Бейнебақылау камералары бұл жолы қылмыскерді анықтауда сеп болды. Қазір күдікті ұсталып, қамауға алынды. Ұрланған қаражатты сақтау орнын анықтауға бағытталған шаралар кешені жүргізіліп жатыр, олар кейіннен ҚР Қылмыстық кодексінің 188-бабы бойынша қаралған қылмыстық іс материалдарына тіркеледі», – деді Бостандық аудандық ПБ жанындағы полиция бөлімінің бастығы Ғалым Қасымбаев.
