Президент Қасым-Жомарт Тоқаев Грузияның Шатили таулы аймағында болған жол-көлік апаты салдарынан көптеген адамдардың қаза болып, зардап шеккені туралы суыт хабарды терең күйзеліспен қабылдап, көңіл айту жеделхатын жолдады.
«Осындай ауыр сәтте орны толмас қайғыға ортақтасып, барша қазақстандықтардың және жеке өз атымнан достас Грузия халқына, жақындарынан айрылған отбасыларға көңіл айтамын. Қасіретті оқиғада зардап шеккендердің тез арада сауығуына тілектеспін» делінген жеделхатта.
Еске сала кетейік, осыған дейін Грузияның солтүстік-шығысындағы таулы аймақтағы жолда автобус жардан құлап, 17 адам қайтыс болды.
