Алматы бас мемлекеттік санитар дәрігері Жандарбек Бекшин оқушылардың сабақта маска кию мәселесіне қатысты ойын айтты.
Онлайн-брифингте журналист Жандарбек Бекшинге балалардың ұзақ уақыт маска киюі зиян емес пе деген сұрақ қойды.
"Мектеп оқушылары күніне 3-4 сабақтан артық оқымайды. Сондықтан менің ойымша, бала төрт сағат маска тағуға шыдайды. Екі сағат сайын ауысым болады, мұғалімдер бұған қатаң қарайды", - деді Бекшин.
Жандарбек Бекшиннің айтуынша, балаларды маскалармен қамтамасыз ету ата-аналардың тікелей міндеті. Жағдайы нашар отбасынан шыққан балаларға масканы мектеп береді.
Еске салайық, 1 қыркүйектен бастап 1-4 сынып оқушылары кезекші сыныптарда оқиды.
