«Велосипед спорты бойынша олимпиадалық дайындық орталығы» РМҚК басшысы Бауыржан Мұқашев аса ірі сомада бюджет қаражатын жымқырды деп айыпталды. Бұл туралы Жемқорлыққа қарсы агенттіктің баспасөз қызметі хабарлайды.
«Мұқашев 2016-2018 жылдары РМҚК-ның жалақы қорынан 21 млн теңгені жымқырды деген күдікке ілінді. Ол ұйымда жұмыс істемейтін адамдарды заңсыз жұмысқа қойып, оларға сыйақы тағайындап, оны өзіне алып отырған», - деп хабарлады агенттік.
Сотқа дейінгі тергеу кезеңінде Мұқашев келтірілген залалды толық көлемде өтеді.
«Нұр-Сұлтандағы Есіл ауданы №2 соты Мұқашевты аса ірі көлемдегі бюджет қаражатын жымқырғандықтан 4 жыл бас бостандығынан айырды», - деп хабарлады Жемқорлыққа қарсы агенттік.