Қазақстан Республикасы Конституциясының 25 жылдығына орай Абай атындағы Қазақ мемлекеттік академиялық опера және балет театры халық жазушысы Әбіш Кекілбаевтың либреттосына жазылған қазақтың ұлы композиторы Еркеғали Рахмадиевтің «Абылай Хан» батырлық-эпикалық операсын ұсынады.
Қазақстан Республикасының Конституциясы 1995 жылғы 30 тамызда жалпыұлттық референдумда қабылданды. Тәуелсіз мемлекеттің Негізгі Заңы –жоғары құндылықтар – адам, оның өмірі, құқықтары мен бостандықтары болып табылады.
Барлық қазақстандықтар үшін бұл тарихи күн өзінің ауқымы бойынша жалпыұлттық оқиға болып саналатын мемлекеттік мерекеге айналды.
Негізгі Заңда қалыптасқан алдыңғы ұрпақтардың даналығы 130 ұлт бейбітшілік пен келісімде өмір сүретін, бір мақсатпен біріктірілген – демократиялық, зайырлы, құқықтық және әлеуметтік мемлекет құруға мүмкіндік берді.
Тәуелсіз Қазақстан тарихында Абылай хан ең көрнекті тұлғалардың бірі. Ұлы хан қызметінің тарихи маңызы – қазақ халқының қазіргі және болашақ ұрпақтарының рухани энергиясының көзі болып табылатын мықты қазақ мемлекетін құру. Абылай хан қолбасшы, дана дипломат ретінде өзінің талантымен өз халқының және қазақ жерінің тәуелсіздігін сақтап қана қоймай, XVIII ғасырдың ортасындағы саяси аренада Қазақ хандығы туралы дербес мемлекет ретінде мәлімдей алды.
Шығарма кейіпкерлерінің көптігімен, ұлттық көріністің өзіндік стилін жеткізетін жарқын көріністермен және диалогтарымен әсер қалдырады. Театртанушылардың пікірінше, бұл – Тәуелсіз Қазақстан жылдарында жасалған ең үздік эпикалық туынды.
Абылай дәуіріндегі қайта жаңғыртылған көркем бейнелер – тәуелсіз Қазақстанның мызғымас басымдықтары – ұлттық қауіпсіздік, халықтың бірлігі мен ынтымақтастығына үндес, ғасырлар бойғы тарихи диалог. Опера көрерменді патриоттық сезімге, «өткен күндер» оқиғалары мен адамдарға қатыстылыққа толтырады, мұнда қазақ халқының қалыптасу тарихындағы маңызды сәттер кейіпкерлер тағдыры арқылы ашылады.
