Қазақстандық Батыр Жүкембаев WBA және IBF титулдары үшін айқас алдында салмақ өлшеу рәсімінен өтті. "Хабар" телеарнасы қазақстандық боксшы Батыр Жүкембаевтың (17-0, 13 КО) келесі жекпе-жегін тікелей эфирде көрсетеді. Бастапқыда отандасымыздың қарсыласы Максимилиано Рикардо Верон(12-3-1, 4 КО) болған. Алайда аргентиналық спортшы Канада визаны ала алмады. Нәтижесінде Жүкембаев 27 жасар мексикалық Рикардо Ларамен (22-7, 10 КО) кездеседі. Олардың жекпе-жегі 25 қаңтарда Канаданың Монреал қаласындағы Montreal Casino аренасында өтетін бокс кешінің басты оқиғасы болады. Он раундтық жекпе-жекте жартылай орта салмақтағы қазақстандыққа тиесілі WBA Continental Americas және IBF Inter-Continental белдіктері сарапқа салынады. Кеште аншлаг күтілуде. Нұр-Сұлтан уақыты бойынша жекпе-жек 26 қаңтарда таңертең өтеді. Астана уақыты бойынша сағат 08:30-да "Хабар" телеарнасында трансляция басталады. Өзінің соңғы жекпе-жегін Джукембаев 2019 жылы қыркүйекте Монреалда өткізді. Ол әлемнің экс-чемпионы мексикандық Мигель Васкесті (41-8, 15 КО) төрешілер шешімімен жеңіске жетіп, екі титулға ие болды.