Түсін өңіне айналдырған қария
Түсін өңіне айналдырған қария
©Сурет интернеттен алынды
Петропавлдық қария үш дөңгелекті, бірақ, педальсіз жүретін велосипедті ойлап тапқан. Оның айтуынша, жаңа көлік - жүрек талмасы бар науқастарға таптырмас құрал. Тіпті, дәрігерлер мен мұғалімдерге мініп жүруге кеңес берді.
"Кәдімгі велосипедтен еш айырмашылық жоқ. Тек мұнда педаль жоқ" дейді қария Валентин Бондарев. Ол бұл құрылғыны түсінде осыдан 16 жыл бұрын көріпті.  -Велосипедтің жақтауы әлі есімде бар.  Содан біраз ойланып жүріп, іске асырмақшы болдым,- дейді өнертапқыш.
Ол үш дөңгелекті "көлікті" өз үйінің балконында жасап шығарған. Ең алдымен сызбасын қағаз бетіне түсіріпті. Соған сәйкес әрбір нүктені шебер қиыстырған. Нәтижесінде, ойлаған арманын жүзеге асырған. "Егер асықпай жүретін болсаңыз, сағатына 20 шақырымға дейін жетуге болады. Ал, адымдап 15 шақырымды еңсересіз" дейді ол.
Автор өзі жүрек ауруына шалдыққан соң, осы құралды ойлап тапқан. Соның арқасында дертінен біржола айыққан. Жан-жаққа дәлелдеп жүріп, патент те алып үлгеріпті. Енді оның санын көбейтпек, бірақ, қаржы жоқ. Біржолата айналымға шығару үшін инвестор іздеп жүрген жайы бар.