Коронавирус инфекциясының пайда болуына және таралуына жол бермеу жөніндегі ведомствоаралық комиссияның мәліметінше, Қазақстанда 3 қыркүйектегі жағдай бойынша 1 тәулікте ПТР тесті оң нәтиже көрсеткен КВИ-і бар 88 сырқат және теріс нәтижелі КВИ-ге шалдыққан (коронавирус нышанды пневмония) 571 ауру тіркелді. 33 адам симптомсыз сырқат есебінде. Бұл екі түрі салдарынан бір тәулікте жалпы саны 12 адам қаза тапты.
Ал БҚО-да өткен тәулікте 8 жаңа науқас анықталған, оның төртеуінен вирус табылғанымен, клиникалық ауру белгілері байқалмаған.
Қазіргі уақытта республикада коронавирус инфекциясынан 6 459 адам емделуін жалғастыруда. Олардың арасында 34 жасөскін бала бар. Стационар-ауруханаларда 3 196 науқас жатыр. 3 263 адам үйлерінде амбулаториялық жағдайда ем қабылдауда.
Барлық сырқат арасында 171 адамның ахуалы нашар. Соның ішінде 19 науқастың ахуалы өте ауыр деп бағалануда. 28 науқас өкпені жасанды желдету аппаратында жатыр.
Тұтастай алғанда, Қазақстанда 106 032 адам коронавирус инфекциясына душар болды. Соның 97 967-сі жазылып шықты деп есептеледі. COVID-19 кесірінен 1 588 қазақстандық қайтыс болды.
Е.ЕРДЕН
