Тараз қалалық жер қатынастары бөлім басшысының уақытша міндетін атқарушы Нұржан Бекежанов: «11935 азаматқа хабарлама жібергенбіз. Оның ішінде тек ғана 488-і ғана қатысам деп өтініш берді. Оның ішінде тек 38 азаматты ғана Құрылыс жинақ банкі «одобрить» етті. Көбісі кезінде ИИН ештеңе көрсетпеген бізге. Көбісін таппай жатырмыз. Ал оны тастап кетіп келесіге «неғылайық» (берейік – ред.) десек, прокуратура оған қарсылық, наразылық білдіреді. Аттап кетуге болмайды деп. Ол кісі алмайтын болса жазбаша түрде бізге ескерту керек», – дейді.«Нұрлы жер» бағдарламасының жеке меншік құрылыс бағыты бойынша Тараз қаласының аумағынан 29 гектар жер бөлінген. Бірақ бұл жердің басым бөлігі бүгінде бос тұр. Жоба басталғалы бар-жоғы 47 үйдің құрылысы жүргізіліп, 20-сы ғана берілген. Ал жер мен үйге деген сұраныс артып барады. Таразда жеке тұрғын үй салуға берілетін жер мәселесін бір жүйеге келтіру қажет. Қалалық жер қатынастары бөлімінің мәліметіне сүйенсек, облыс орталығында жер ауқымды көлемде 2003 жылы ғана берілген. Ол уақытта 1300 адам жер телімін алған көрінеді. Одан бері тек 2017 жылы ғана жер 400 адамға үлестірілген. Ал биыл Тараз қаласы бойынша бірде-бір адамға жер телімі берілмеген. Қазір кезекте тұрған адам саны 70 мыңнан асып барады.
Таразда тегін жер алатын тұрғындарды таппай жатыр
255
оқылды
оқылды