Бұл жолы жастар порталы I томдағы «Бел-белесте» тарауын ұсынып отыр. Онда Тобықты ауылы жайлауына көшіп, орнығып үлгерген шағы. Қарт Зеренің ауылы Бақанас өзенінің жағасына қоныстанған Абайдың бозбала кезі. Оның Тоғжанмен жүздесуі және Құнанбайдың балаларын үйленуі жайында сөз қозғалады.
Еске салсақ, Doodle анимациялы видеосаммари ұлы Абайдың 175 жылдығына орай қолға алынған болатын. Видеожоба Ақпарат және қоғамдық даму министрлігінің қолдауымен жарық көруде. Бұған дейін эпопеяның «Қайтқанда», «Қат-қабатта», «Жолда» және «Шытырманда» деген І томының 4 тарауы жарық көрген болатын.
Төрт томдық эпопея барлығы 28 тараудан тұрады. Әр видеосаммаридің ұзақтығы – 12-15 минут. Тараулар әр дүйсенбі сайын Massaget TV YouTube-арнасында жарияланып тұрады.
