Білім және ғылым министрлігінің баспасөз қызметіне мәлімдеуінше, биыл Олимпиадаға 27 мемлекеттен 90-нан астам оқушы қатысқан. Қазақстанның құрама команда мүшелері ұлттық жарыстар қорытындысы бойынша анықталған екен.
«Олимпиада қорытындысы бойынша қазақстандық оқушылар жақсы нәтиже көрсетіп, жоғары марапатқа ие болды. Атап айтсақ, Ван Ли алтын медаль (Алматы қаласындағы РФММ), Таймас Корғанбаев күміс медаль (Алматы қаласындағы №165 мектеп-лицейі), Әділ Сұлтанов қола медаль (Атырау қаласындағы облыстық мамандандырылған «Білім - Инновация» лицейі), Рамазан Пердебай – қола медаль (Қарағанды қаласындағы Н.Нұрмақов атындағы мамандандырылған мектеп-интернаты) иеленді, – деп хабарлайды министрліктен.
Биыл European Junior Olympiad Informatics (EJOI) ұйымдастыру комитеті олимпиаданы онлайн режимде өткізу туралы шешім қабылдаған болатын.
