Төтенше жағдайлар департаментінің хабарлауынша, өрт 9 қыркүйекте Есіл қаласы Мырзашев көшесіндегі тұрғын үйде болған. Көршілері өрт шыққаны туралы қалалық өрт сөндіру бөліміне хабарлаған.
Өрт шыққан үйден ес-түссіз жатқан 80 жастағы пәтер иесі табылды. Өрт сөндірушілер оған алғашқы медициналық көмек көрсетіп, жедел жәрдем бригадасына тапсырды. Қазіргі кезде зардап шеккен азамат Есіл аудандық ауруханасында ем алып жатыр.
