Кездесу барысында елдің ақпараттық қауіпсіздігін қамтамасыз ету және Ақтөбе облысының әлеуметтік-экономикалық дамуы мәселелері қаралды,–деп хабарлады Елбасының ресми сайты.
– Бірінші сұрақ – ақпараттық қауіпсіздік. Сұрақ өте өзекті. Қазіргі уақытта дәстүрлі бұқаралық ақпарат құралдарымен салыстырғанда Интернет, оның ішінде әлеуметтік желілер басым. Бір жағынан, бұл жақсы үрдіс. Интернетте көптеген танымдық және ағартушылық ақпарат бар. Екінші жағынан, киберқауіпсіздікке байланысты қауіптер бар,– деді Елбасы.
Қауіпсіздік Кеңесінің Президенті ақпараттық қауіпсіздік саласындағы халықаралық тәжірибені зерделеудің маңыздылығын атап өтті.
– Біз бұл мәселеде басқа елдердің тәжірибесінен сабақ алуымыз керек. Бір жағынан, бұл дамуды қолдау керек, бірақ сонымен бірге адамдардың қауіпсіздігін қамтамасыз ету маңызды,– деді Қазақстанның Тұңғыш Президенті.
Отырыстың күн тәртібіндегі екінші мәселе туралы ақпаратты тыңдаған Нұрсұлтан Назарбаев Ақтөбе облысының транзиттік-көлік әлеуетін дамытудың кейбір аспектілеріне назар аударды.
Сонымен қатар, Елбасы өңірде кәсіпкерлік пен адами капиталды дамыту үшін қолайлы жағдай жасау керектігін айтты.
Сондай-ақ отырыста батыс макроөңірінің агроөнеркәсіптік хабын құру мәселелері қаралды.
Қауіпсіздік Кеңесі отырысының қорытындысы бойынша Үкімет пен Ақтөбе облысының әкімдігіне тиісті тапсырмалар берілді.