Қазақстандықтарға мүкжидек, шырғанақ және қарақатпен иммунитетті көтеруге кеңес берілді. Өйткені бұл жемістерде иммунитетке қажетті С витамині көп. Бұл туралы Ұлттық денсаулық сақтау орталығы қоғамдық денсаулықты нығайту орталығының жетекшісі Жазира Ембердиева айтты. Оның айтуынша, осы витамин иммунитетті нығайтуға ықпал етеді.
"Тамақтануға келер болсақ, С витамині көп жеміс-жидекті жеген дұрыс. Бұл мүкжидек, шырғанақ, қарақат, лимон және басқалар. Дәрігерлердің кеңесі бойынша иммунитетті көтеретін тамақ жеу керек. Салауатты өмір салтын сақтап, дене шынықтырумен айналысып, дұрыс тамақтану керек", – дейді Ембердиева.