Жоспардағы он мәселе шешіледі

Бірінші.Қолжетімді тұрғын үймен қам­тамасыз ету:

– 47 мың кезекте тұрғандар бас­паналы болады;

– 20 апатты және ескі үйден 300 отбасы жаңа баспанаға көшеді;

– 125 тұрғын үй кешені мен 150 лифт жөнделуде.

Екінші. Үлестік құрылыс:

– 42 проблемалы көппәтерлі тұрғын үй кешенінің 13 мың үлескері жаңа пәтерге ие болады.

Үшінші. Әлеуметтік сала:

– инвестиция тарту мен МЖӘ арқылы 50 мектеп іске қосылады;

– педагогтердің жетіспеушілігі мәселесін шешу үшін жыл сайын
1 100 грант берілетін болады;

– «Үйдегі дәрігер» жобасы бо­йынша 30 отбасылық денсаулық орталығы іске қосылады;

– қажетті инфекциялық стацио­нарлар 100%- ға қамтамасыз етіледі;

– жұқпалы және көпбейінді ауруханалардың, перзентха­на­лар­дың, ересектер мен балаларға ар­налған екі оңалту орталығының, сон­дай-ақ медицина қызмет­кер­леріне арналған шағын отбасылық үлгідегі тұрғын үйдің құрылысы жүреді.

Төртінші. Қала маңын, қоғамдық кеңіс­тікті және аулаларды дамыту:

– елорда «шетсіз қала» болады.
16 тұрғын алабында әлеуметтік ны­сандар, жолдар, сумен жабдықтау желілері салу жоспарланған;

– елордада 50 жаңа саябақ пен гүлзар пайда болады;

– велосипедшілер үшін 123 ша­қырым жол салынады;

– 100 спорт алаңын орнатумен 500 аула абаттандырылады.

Бесінші. Газдандыру:

– 20 мың жеке үй табиғи газбен қамтылады;

– халықтың аз қамтылған топ­тары үшін дотацияларды қамтамасыз ете отырып, газға көшу жоспарланған;

– табиғи газға көшу зиянды зат­тар­дың шығарылуын 70%-ға қыс­қартады.

Алтыншы. Жолдар мен қоғамдық көлік:

–  желідегі автобустар 300 бірлікке артады;

– халықтың әлеуметтік осал топтарынан 100 мың адамға тегін жол жүру жеңілдігі сақталады;

– жаңа жолдар салынып, ескі жолдар жөнделеді, оның ішінде тұрғын үй массивтері де қамтылған.

Жетінші. Нөсерлік кәріз және тазарту құрылыстары:

– нөсерлік кәріз желілері мен құрылыстарын, сондай-ақ тазарту құрылыстарын салу жүргізілуде және жоспарлануда;

– партия су басудың 34 проб­лемалық орнын бақылауда ұстайды.

Сегізінші. Экология:

– бір тұрғынға шаққанда жасыл желектердің ауданы 20 шаршы метрге дейін ұлғаяды;

– рұқсат етілмеген қоқыс үйін­ділерімен күрес күшейе түседі;

– Есіл өзені бассейнінің эколо­гиялық жағдайы сақталады.

Тоғызыншы. Қоғамдық қауіп­сіздік:

– жергілікті полиция институты одан әрі дамитын болады;

– барлық әлеуметтік нысандар бейнебақылауға қосылады.

Оныншы. Шағын және орта бизнесті (ШОБ) дамыту:

– 5 жылда 100 мыңнан астам жаңа жұмыс орны ашылады;

– «Бизнестің жол картасы–2025» және «Қарапайым заттар эконо­микасы» бағдарламалары бойынша 90 миллиард теңгеге 700 жобаға қолдау көрсетіледі;

– «Еңбек» бағдарламасы бойынша ісін жаңа бастаған кәсіп­керлерге 200 грант беріледі;

– 3 000 азамат кәсіпкерлік не­гіздеріне оқытылады;

– елорда тұрғындарын қолжетімді бағамен (тұрақтандыру қоры, сауда желілеріне жеңілдетілген несиелер және т.б.) бірінші кезекте қажетті азық-түлікпен қамтамасыз ету бо­йынша шаралар іске асырылатын болады.

Жастарға айтарлықтай көп көңіл бөлінеді. «Елорда жастары» тұрғын үй бағдарламасына жыл сайын қаражат бөлінеді деп жос­парлануда. Ата-ана қамқорлы­ғын­сыз қалған 1 800 жас интернаттық ұйымдардан кейін толық сүйе­мелдеуге ие болады. Жастар спорт нысандарына барғанда 50 про­центке дейін жеңілдік алады. Жыл сайын ТжКБ мен ЖОО-да 3 500 грант бөлінеді.