EXPO аумағы: елорданың жаңа іскерлік орталығы

EXPO аумағы: елорданың жаңа іскерлік орталығы

Елбасы Нұрсұлтан Назарбаев­тың бастамасымен ТМД елдері ау­мағында алғаш рет «Болашақ энер­гиясы» та­қырыбында EXPO-2017 Astana ха­лы­қ­ара­лық мамандандырылған көр­­­месі өткізілді. Көрмені өт­кі­зу қорытындысы бойынша EXPO тарихындағы ең табысты ма­ман­дандырылған көрме деп та­нылды! Футуристік көрінісі бар көрме кешені 25 гектар жерге өсті, оның ор­тасында NUR ALEM сферасы ор­наласқан, ол бірден қонақтар арасында танымал болды. Көрмеге 115 ел және 22 халықаралық ұйым қатысты. Оған 4 миллион адам, оның ішінде 650 мың шетелдік турист келді. Көр­меге келушілерге үлкен іскер­лік және мәдени бағ­дар­лама ұсынылды. Оның ішінде Джа­ред Лето, Дэвид Гетта, Стив Аоки, Эрос Рамазотти және т. б. әлем­ге әйгілі орындаушылардың кон­церттері бар.

Скептиктер жаһандық іс-шара аяқталғаннан кейін бұл үлкен аумақ қаңырап бос қалады деп болжады. Мүмкін, олар EXPO көрмелерін ұйымдастырушы кейбір елдерді мысалға алған шығар, мысалы, Лис­сабондағы (Португалия) EXPO-­1998. Қош­тасу отшашуынан кей­ін алаң тез өзгере бастады: виртуалды шындық павильоны жабылды және бөлшектелді. Васко да Гама мұнарасы келушілерге қолжетімді болудан қалды, ал болашақ павильонында казино жайғастырылды. Оңтүстік Корея­ның Йосу қаласындағы EXPO-2012 көрмесінің нысандары да қажетті қолданыс таппады.  Ганновердегі мерекелік көңіл-күйдің орнын мұң басты. EXPO-2000 көрмесі аяқталғаннан кей­ін павильондардың бір бөлігі бұзылды, ал олардың кейбіреулері тез босап, құлдырап кетті: ескірді, тозды, шөп басып кетті. Бірақ болашақта өз көрмелерінің ны­сандарына екінші дем берген елдер де бар. Мысалы, 2015 жылы Миланда (Италия) көр­ме аяқталғаннан кейін көлемі 200 гектарға жуық аумақ ғылым мен техниканың инновациялық паркіне айналды. Онда 2024 жылға қарай жергілікті университеттің ғылыми факультеті орналасады. Ал Испанияның Сарагоса қала­сындағы 25 гектар EXPO-2008 аумағы іс-шара аяқталған соң қайта жөндеуден өтті. Бұрынғы павильондардың ғимараттарында түрлі мекемелер мен мейрам­ханалар  орналасқан іскерлік саябақ құрылды. Шан­хайда (Қытай) EXPO-2010 ұйым­дастырушылары еркін сауда ай­мағы мен жоғары технологиялар паркі бар аудан құрды.

Қазақстанда өз кезегінде Тұң­ғыш Президент Н.Назарбаевпен Ре­сейлік «Мәскеу-сити», Фран­цуз La Défense, ағыл­шын Cana­ry Wharf және сингапурлық Do­wnt­own Core сияқты іскерлік ор­та­лықтардың үлгісі бойынша көрме мұрасы объектілерін көр­меден кейінгі пайдалану тұ­жырым­дамасы ма­құл­данды. EXPO іскерлік орта­лығының аумағында «Астана» ха­лық­аралық қаржы орталығы ор­­на­ласты. Оның жанында Astana International Exchange (AIX) бир­жасы, ағылшын құқығы негізінде жұмыс істейтін сот және төрелік орталық жұмыс істейді. Осы ло­кацияны таңдаған бизнес субъектілері үшін айтарлықтай артықшылықтар қарастырылған. Кәсіпкерлер дәл сол жерде ор­наласқан  EXPO Business Centre-де «А» класты бизнес-ор­талықтардың стандарттарына сәй­кес келетін кеңселерді жалдай ала­ды. Жақын маңдағы Конгресс-орталықта мәдени, іскерлік іс-шаралар, концерттер мен теле­көпір өт­кізуге болады. Бұл ғи­марат Ас­тана экономикалық фор­умы­­ның, Astana Finance Days халықаралық конференциясының, KAZENERGY XII Еуразиялық форумының және басқа да ау­қымды форумдардың қатысу­шы­ларын қабылдады. Сондай-ақ мұнда  Comic Con Astana  фестивалі мен отандық және әлем­дік жұлдыздардың кон­церттері өт­кізілді. Орталық Азия елдерінің аумағындағы ең ірі көрме алаңы – халықаралық көрме ор­талығына да үлкен рөл беріледі. Мұнда ірі халықаралық және ұлттық көр­ме­лер өткізу жоспарланған. Бұл ор­талық елге ірі халықаралық іс-шара­ларды тарту мүмкіндігін ашады.

Өткен «Болашақ энергиясы» көрмесінің тақырыбын одан әрі дамытуды БҰҰ қамқорлығымен құрылған Жасыл технологиялар мен инвестициялық жобалардың халықаралық орталығы жүзеге асыр­ады. Ол жаңартылатын эн­ер­гия көздері саласында озық ше­шімдерді енгізе отырып, елдің эко­логиялық таза экономикасын да­мытуға елеулі үлес қосады.

NUR  ALEM болашақ энергия­сы мұражайы Қазақстан Респуб­ликасының жас астанасының жаңа символына айналды. Елорда қонақтары футуристік Сфераның аясында суретке түсуге тырысады. NUR ALEM ғылыми, мәдени және ойын-сауық ядросына айналды. Он мыңдаған қазақстандық оқушылар мен студенттер мұражайға бар­ған кезде Kids&Student Future Energy  арнайы білім беру бағдар­ламасының арқасында пайдалы білім ала алады.

Мемлекет басшысы Қ.Тоқаев­тың Жолдауы аясында адами ка­пи­талды дамыту, жаңа үлгідегі білім беру­ге инвестициялар бойынша IT саласының ұлттық бизнеспен өзара іс-қимылы Asta­na  IT-University және  Astana Hub  IT-стартаптардың халықаралық технопаркі табысты дамуын жал­ғастыруда, онда 300-ден астам қа­тысушы тіркелген.

Алайда көрме кешенінің ала­ңы тек бизнес пен білім беру саласына  ғана қатысты емес. Ау­мақ қала тұрғындары мен қо­нақ­тарының бос уақыты үшін де ойластырылған. Мұнда бес жұл­дызды Hilton Astana қонақ үйі, кафе, мейрамханалар, саябақ аймақтары, ерекше қажеттіліктері бар балаларға арналған арнайы  алаң бар.

EXPO кешені ел экономикасы­ның дамуына өз үлесін қосатын жаңа тартылыс орталығына айнал­ды.

 

 

Aikyn.kz | Бүгінгі жаңалықтар. Әлем және Қазақстан жаңалықтары.