Нәтижесінде, бір емес бірнеше ұйымдасқан қылмыстық топтың қылмысына тосқауыл қойылды.
ҰҚТ мүшелері Ақмола облысының алтын өндіруші кәсіпорындарында шикізат ұрлаудың қалыптасқан схемасын жолға қойыпты. Шикізат алдымен жасырын шағын цехтарда өңделіп, содан соң дайын алтын құймалары түрінде елден шығарылып отырған.
Арнайы операция барысында полицейлер контрабанданың ірі арнасын жойып, 10 адамды ұстады. Айғақ заттар алынып, техникалық құралдар тәркіленді.
Ұйымдасқан қылмыстық топ құру және оған басшылық жасау фактісі бойынша Қылмыстық кодекстің 262-бабы бойынша сотқа дейінгі тергеу жүргізілуде. Бұл бап 12 жылға дейін бас бостандығынан айыру жазасын көздеген. Жедел-тергеу іс-шаралары жалғасуда.
Е.ЕРДЕН
