Еңбек және халықты әлеуметтік қорғау министрлігі баспасөз қызметінің хабарлауынша, МӘСҚ қайтыс болған 22 медицина қызметкерінің туыстарына төлемдер аударылды.
18 қыркүйек сағат 9:00-дегі жағдай бойынша МӘСҚ COVID-19 немесе вирустық пневмония жұқтырған 1646 медицина қызметкерінің өтініші бойынша және аурудың салдарынан қайтыс болған 22 медицина қызметкерінің өтініші бойынша қаражатты тағайындау мен төлеуді жүзеге асырды.
Өңірлерде медицина қызметкерлеріне Алматы (369), Нұр-Сұлтан (340), Шымкент (100) қалалары, Қарағанды (113) және Ақмола (107) облыстарында өтемақы төленді. Айта кетейік, коронавирус немесе пневмонияға шалдыққан медицина қызметкерлеріне – 2 млн, қайтыс болғандарға 10 млн теңге көлемінде өтемақы төленеді.
