Осындай алып-қашпа қауесеттерге Денсаулық сақтау министрлігі жауап берді.
«20-шы қыркүйектен бастап карантин күшейтіледі дегенге жақында ғана түсініктеме бердім. Ресми өкіл ретінде тағы да қайталап айтамын. Әзірге ондай шаралар жоспарланбаған. Оның бәрі жалған ақпарат. Сондықтан халықты алып-қашпа әңгімеге сенбеуге шақырамын. Тіпті, ондай шаралар қабылданса, біз алдын-ала хабарлаймыз», - деді Тауар мен қызметтердің сапасын бақылау және қауіпсіздік комитетінің ресми өкілі Ержан Байтанаев.
Сонымен қатар, ол ел ішіндегі облыстардың біртіндеп карантиндік режимі жеңілдетіліп жатқанын ескертті.
«Тағы да қайталаймын, мұның бәрі жалған. Жалған ақпаратты таратушыларды іздестіру үшін полицияға шағымданбақпыз. Елдегі эпидемиологиялық жағдай тұрақты, бірақ бас санитарлық дәрігердің барлық талабын сақтауымыз керек», - деді ол.
