Моцарттың музыкасын «тыңдап» өскен асқабақтың салмағы рекорд жаңартты
Моцарттың музыкасын «тыңдап» өскен асқабақтың салмағы рекорд жаңартты
Фото: Дереккөзден алынды

Эхимо префектурасының фермері Хироёси Уцуномияның салмағы 410,3 келі асқабағы жексенбіде өткен байқауда Жапонияда өсірілген ең үлкен асқабақ ретінде танылды, – деп жазады «Қазақпарат».

Жапонияның Киодо агенттігінің хабарлауынша, бұл – 68 жастағы Уцуномияның асқабақ өсірудегі екінші жеңісі. Ол асқабақты өсіргенде Моцарттың музыкасын «тыңдатқан». Екі жыл бұрын салмағы 412, 6 келі тартатын асқабақ өсіріп, бірінші рет жеңіске жеткен шаруа оны Жапонияның дәстүрлі «энка» балладалары арқылы баптағанын айтқан болатын.

Дәстүрлі байқауға 9 префектурадан 51 шаруа қатысқан. Екінші орынды елдің шығысындағы Тиба префектурасының тұрғыны Акира Нисикава еншіледі. Оның асқабағының салмағы – 385 келі. Үшінші орын – орталық Жапонияның Мие префектурасының тұрғыны Тошиаки Сиракиге бұйырды (334 келі).

Айта кетейік, Сето ішкі аралында өткізілген байқауға COVID-19 пандемиясына байланысты асқабақтарды әкелмей, олардың бейнежазбаларын ұсынған.