Қазақстанның мемлекеттік қарызы 40 миллиард доллардан жоғары немесе 15 триллион теңгені құрайды. Бұл туралы Tengrinews.kz хабарлайды.
Мемлекеттік қарыздың бұл сомасы 2019 жылдың 1 шілдесіндегі уақыт аралығын құрайды. Қаржы министрлігі 31 миллиард доллар немесе 12 триллионнан аса қаражат үкіметтік қарыз дейді. Оның ішінде сыртқы қарыз - 5,4 трлн теңге (14 млрд доллар), ал ішкі - 6,7 трлн теңге (17 млрд доллар).
Сыртқы мемлекеттік қарыздың жалпы көлемінің 2,3 трлн теңгесі бұл халықаралық ұйымдардан алынған несие саналады. Олардың қатарында Халықаралық қайта құру және даму банкі, Еуропалық қайта құру және даму банкі, Азия даму банкі және Ислам даму банкі бар. Жалпы сыртқы қарыздың еурооблигациялары 2,9 трлн. теңгені құрайды.
Шетелдік коммерциялық банктер мен шет мемлекеттердің үкіметтік ұйымдарына үкіметтің сыртқы қарызы - 253 миллиард теңге. Олардың қатарына Араб Экономикалық Дамуының Кувейт Қоры, Абу-Даби Даму Қоры, Жапонияның Халықаралық Ынтымақтастық Агенттігі және Германияның Мемлекеттік Несиелік Агенттігі кіреді.
Қаржы министрлігі үкіметтік қарыз республикалық бюджет есебінен өтелетінін еске салды.
«Өтеу шарттарда белгіленген мерзімде жүзеге асырылады. Қаржы министрлігі тұрақты түрде мемлекеттік қарыз алу, жинақталған қарыздың, төлемдердің жай-күйіне қажетті мониторинг жүргізеді », - деп атап өтті министрлік.
Қазақстанға кім қарыз?
Қазіргі таңда Қазақстанға сыртқы қарызы бар тек Грузия ғана. Негізгі қарыз 25,4 миллион долларды құрайды. Қаржы министрлігі Грузия елдегі экономикалық жағдайдың ауырлығына байланысты оны өтеуді тоқтатқанын, сондықтан 2017 жыл қарыздың қайта құрылымдалғанын хабарлайды.
««Негізгі қарыз бұрынғы күйінде қалды, бірақ өтеу шарттары мен уақыты 2017 жылдан бастап 2025 жылға дейін қайта қаралды. Өтелетін жалпы сома $ 37,9 млн құрайды. Қазіргі уақытта төлемдер уақтылы және толық көлемде жүзеге асырылуда. Осы жылдың қыркүйегіндегі жағдайға сәйкес Қазақстанға өзге шет мемлекеттердің қарыздары жоқ», - деп түйіндеді министрлік.