Желі қолданушылары Америка Құрама Штаттары мен Финляндия президенттерінің кездесуі кезінде болған қызықты оқиғаға назар аударды, – деп хабарлайды Tengrinews.kz.
Дональд Трамп пен Саули Ниинисте арасындағы кездесу 2 қазанда Ақ үйде өтті. Журналистің репликасына жауап бере отырып, Трамп: «Финляндия әлемдегі ең бақытты ел», деп Ниинисттің тізесіне алақанын қойған. АҚШ басшысының бұл әрекетіне Финляндия басшысы ұнатпаған кейіп танытып, қолымен жасқап тоқтатты.
https://youtu.be/uuQPxSzEQGw
Айта кетейік, бұл Трамптың хаттаманы алғаш рет бұзып отырған жоқ. Мәселен, 2018 жылдың сәуірінде америкалық көшбасшы Эммануэль Макронның иығындағы қайызғақты қаққандай қылып ишарат жасаған болатын.
https://youtu.be/Lc2DwhSzxp8
Бұдан бөлек, Дональд Трамп Ұлыбританияға сапарында патшайымы Елизавета II-нің арқасына алақанын тигізіп, хаттаманы бұзған.