Ақжарқын Тұрлыбайдың ісіне қатысты Қытай мен Қазақстан арасындағы жоғары деңгейдегі келіссөздер туралы сыртқы істер министрі Мұхтар Тілеуберді айтты.
«Президент Қытайда болды. Оның ісін (А.Тұрлыбайдың-ред) мейлінше қалыпты қарау туралы жоғары деңгейдегі өтінішті жеткізді. Алайда сот процесінің жүріп жатқанын білесіздер, сондықтан күтуге тура келеді. Процесс аяқталғаннан кейін мүмкін бойжеткенді экстрадициялауға көшетін шығармыз», - деді деді ҚР СІМ басшысы.
Бұған дейін Ақжарқын Тұрлыбайдың анасы Зухра Сейтімова мемлекет басшысы Қасым-Жомарт Тоқаевқа хат жазған еді.
А.Тұрлыбай есірткі тасымалы айыбымен 2014 жылы Қытайда ұсталды. 2015 жылдың маусымынды Қытай соты оны өмірбақи бас бостандығынан айырды. 2016 жылы сот шешімі кейінге қалдырылып, іс қайта қарауға жіберілді.