Бүгінде 2,9 мыңнан астам медицина саласының қызметкері COVID-19 және пневмонияға шалдыққаны үшін МӘМС-тен өтемақы алды.
Еңбек министрлігінің хабарлауынша, 28 қыркүйектегі жағдай бойынша МӘСҚ COVID-19 немесе вирустық пневмония жұқтырған 2 955 медицина қызметкерінің өтініші бойынша және аурудың салдарынан қайтыс болған 29 медицина қызметкеріне өтемақы төленді.
Өңірлер бойынша – Нұр-Сұлтан (638) және Алматы (373), Шымкент (140) қалалары, Қарағанды (368), Батыс Қазақстан (250), Атырау (180) және Ақмола (180) облыстарында төлем берілген.
Айта кетейік, Еңбек және халықты әлеуметтік қорғау министрі мен ҚР Денсаулық сақтау министрінің 9 сәуірдегі «Денсаулық сақтау ұйымдарының COVID-19 коронавирустық инфекциясына қарсы күрес жөніндегі эпидемияға қарсы іс-шараларға тартылған қызметкерлері аталған инфекцияны жұқтырған немесе одан қайтыс болған жағдайда оларға біржолғы әлеуметтік төлемді жүзеге асыру қағидаларын бекіту туралы» бірлескен бұйрығына биыл 22 шілдеде енгізілген өзгерістерге сәйкес, коронавирустық инфекция немесе вирустық пневмония жұқтырған медицина қызметкерлеріне – 2 млн теңгеден өтемақы беріледі.
Ал коронавирусқа шалдығап, қайтыс болғандардың отбасына – 10 млн теңге көлемінде өтемақы төленеді.
