Үш өңірде жұмыссыздар көбейді

Бұл былтырмен салыстырғанда 2,8%-ға көп, – деп жазады finprom.kz.

Жұмыссыздық деңгейі – 5%,  ал бір жыл бұрын 4,8% болған.

Оның ішінде, 216,3 мың ер адам жұмыссыз қалған. Жұмыссыз әйелдер саны – 237,7 мың. Ерлер арасындағы жұмыссыздық деңгейі – 4,6%, әйелдер арасында – 5,4%.

Соңғы зерттеулер бойынша қаламен салыстырғанда жұмыссыздық деңгейі ауылдық жерлерде төмен.

Ауылда жұмыссыздар саны – 174,7 мың адам болса, қалалық жерде – 279,2 мың адам.

Ең көп жұмыссыздар Алматы қаласы, Алматы облысы және Түркістан облысында екені анықталған. Алматыда – 54 мың, Алматы облысында – 49,4 мыңы, Түркістан облысында 42,3 мың адам жұмыссыз жүр.