Шудағы букмекерлік кеңсе жабылып, тұтынушысы 4 жылға сотталды
Шудағы букмекерлік кеңсе жабылып, тұтынушысы 4 жылға сотталды

Шу аудандық прокуратура заңсыз ұйымдастырылған ойын бизнесінің ісін әшкереледі.

Оны ойын тәуелділігіне байланған азаматтардың заңсыз ісін қарау кезінде анықтаған.

Мәселен, ауданда қойма меңгерушісі 8 млн теңгені жымқырып, айналдырған 4-5 күннің ішінде букмекерлік кеңсеге апарып, спорт ойындарыныңы нәтижесіне тігіп жіберген. Ол үшін азамат 4 жылға бас бостандығынан айырылды.

Осыған ұқсас тағы бір деректе мал шаруашылығы қызметкері 5 млн теңгені қолды қылып, букмекерлік кеңсеге апарып жұмсаған.

Аудандық Мемлекеттік кірістер басқармасында букмекерлік кеңсе ісімен тек бір ғана мекеме тіркеліп, заңды жұмыс жасап жатқан. Уәкілетті органдармен бірлесіп жедел-іздестіру іс-шараларын жүргізу нәтижесінде, дүкенде және қонақ үйде заңсыз ойын бизнесін ұйымдастырудың екі фактісі анықталды. Онда 15 компьютер мен 13 процессор тәркіленді. Кінәлі адамдар ҚК-нің 307-бабының 1-бөлігімен (заңсыз ойын бизнесін ұйымдастыру) сотқа жолданды.