Күні кеше Жетісудың бас шаһары Талдықорған қаласында аспан астындағы кинотеатр ашылды. Мұның өзі жұрт көңіліне жақсы тұрғыда серпін берген игі іс болғаны анық. Қаламыздағы иі істердің ордасына айналған орындардың бірі Журналистер үйінің алдындағы автотұрақта ұйымдастырылған кинокөрсетілім бұрынғыдан өзгерек. Көрермен залы автотұрақ болса, келушілер көлік ішіне жайғасып, тың туындыны тамашалайды. Жаңалығы мол жарқын жоба бойынша көррмендер назарына бірінші болып «Құнанбай» фильмі ұсынылды. Көрсетілім 2 сағатқа созылып, таза ауадағы кинотеатрға келгендер қатары көптігімен ерекшеленді және фильм жиналған жұрттың көңілінен шықты.
Бұқараның қалауын дөп басып, ерекше тартуды жүзеге асырушылар Алматы облыстық ішкің саясат басқармасы мен Jetisy Media КММ-сі. Идея авторы жас маман Елбосын Абай: «Таза ауада өткізілген кинокөрсетілім көптің көңілінен шықты деп ойлаймын. Талайдан бері барлық ойын-сауықтық орындардың жұмысы шектетілген еді. Осы шара арқылы тұрғындар кішкене болса демалса керек. Тек қана көңіл көтеру емес, сонымен қатар тарихқа көз жүгіртіп, тәлім-тәрбие, өмірге қажетті кеңес алады деген ойдамын», – дейді .
Болат АБАҒАН,
Алматы облысы
