Қарағандыдағы өртте емізулі бала мен анасы, әжесімен бірге өздерінің пәтерінде өртеніп кетіпті. Өрт кезінде олар ояу болған. Тіпті, өртті өздері сөндіруге тырысыпты.
Алдын-ала жасалған болжам бойынша, өрттің шығуы жылытқыштан екен. Қатты қызып тұрған жылытқышқа жанында жатқан перде не киім тұтанып, өрт содан шығуы мүмкін. Ол кездерде көпқабатты үйдің жылуы қосылмаған еді. Өйткені жертөленің астындағы жылыту жолы бұзылып қалған екен.
Өрт сөндірушілердің айтуынша, олар үйдегі өрттің шығуын алдымен ағайын-туысына хабарлаған. Сөйтіп, уақытты кетіріп алыпты. Ақырында 78 жастағы зейнеткер мен оның 35 жастағы немересі және емізулі баланың жанып кеткен мәйіттері табылған.
Отбасының жерлеу рәсімі бүгін, 9 қазанда өтеді.
«Қайғылы оқиға 28-інде болған. Ал жылуды біз 26-да берілген. Кейіндеу, тоғызыншы кіреберістің жертөлесінде жылу магистралінің ақауы бары анықталды. Бұл – КСК-ның кемшілігі. Тұрғындардың ешқандай кінәсі жоқ. Олар уақытылы ай сайынғы тарифін төлеп отыр, – дейді аудан әкімі Қарағанды қаласының Қазыбек би қаласы Нұрлан Рыстин.
