Облыстық Денсаулық сақтау басқармасының хабарлауынша, 5 науқас жансақтау бөлімінде жатыр. Оның ішінде 3-еуі – ауыр, 2-еуі – өте ауыр жағдайда. Жансақтау бөліміндегі науқастардың жағдайына тыныс алудың жетіспеушілігі мен ілеспе аурулардың өршуі әсер еткен.
Жалпы, облыста 215 инфекциялық І-ІІ сатылы төсек-орын бар. Сондай-ақ реанимациялық төсек саны 43-ке дейін көбейтілген.
Елімізде коронавирустың жоғын растайтын анықтамасыз шетелден келген азаматтар мен шетел азаматтарына арналған стационар ашылғаны белгілі. Өңірде жалпы алғанда, Ақтау қаласында – 15, Жаңаөзен қаласында – 100, Қарақия ауданында – 10, Бейнеу ауданында 10 төсек-орынды карантин стационарлары жұмысын бастады.