– Бірлесіп атқарған жұмыстардың нәтижесінде Ақтөбе қаласының көрікті орындарын көбейту жоспарға енгізілді. 150 жылдан астам тарихы қалыптасқан қалада сыртқы келбеті сұлу ғимараттар жетерлік. Ең бастысы, жөндеу жұмыстарын жүргізуде олардың тарихи келбетін сақтап қалуды ескеру керек, – деді Оңдасын Оразалин.Аймақ басшысы өз кезегінде Қазхром» АҚ ТҰК Президенті Арман Есенжоловқа 2021 жылы «Жилгородок» тұрғындар қалашығындағы ғимараттардың сыртын жөндеу жұмыстарын жүргізу туралы ұсыныс тастады. Сондай-ақ, қала әкімі Асхат Шахаровқа тұрғындар серуендейтін орындардың санын арттырып, «Жилгородок» тұрғындар қалашығындағы үй аулаларын қалыпқа келтіру жұмыстарын жандандыруды тапсырды.
Әбілмансұр ЖАСАН