Нұр-Сұлтан қаласы Есіл ауданындағы Үркер тұрғын алабының маңында, Қорғалжын күре жолынан 2 шақырым қашықтықта қамыс жанып жатыр, деп хабарлайды ҚР ІІМ Төтенше жағдайлар комитеті.
Өртті сөндіруге Нұр-Сұлтан қаласы төтенше жағдайлар департаментінен 16 адам, 4 техника жұмылдырылған.
https://youtu.be/MkTVup7juKU
Қалың батпақтың арасында қамыс жанып жатыр. Оған апаратын жол болмағандықтан, өртті сөндіру қиынға соғып отыр.
Төтенше жағдайлар комитетінің мәлімдеуінше, өрттен елді мекендерге қауіп жоқ. Кемінде 1000 шаршы метр алаңды өрт шарпыған.