Министрліктің мәліметінше, Қазақстан Республикасының Мəдениет жəне спорт министрі Ақтоты Райымқұлова мен «Қазақстан ипотекалық компаниясы» акционерлік қоғамының басқарма төрағасы Əділ Мұхамеджанов ҚР Үкіметінің 2014 жылы 23 қыркүйектегі N-1003 қаулысымен бекітілген ереже негізінде әрекет ете отырып, 2020-2025 жылдарға арналған мемлекеттік «Нұрлы жер» тұрғын үй-коммуналдық даму бағдарламасын іске асыру аясында меморандумға қол қойды.
Келісім шеңберінде компания министрлік ұсынған «Нұрлы жер» мемлекеттік бағдарламасына қатысушы азаматтарға сатып алу құқығымен жалдамалы пəтер береді.
Мəдениет жəне спорт министрлігі компанияға қажетті тізімді əзірлеу үшін ведомство мен бағынысты мекемелердегі қызметкерлерден тізімді іріктеу бойынша жұмыс жүргізеді.
Келісімшарт негізінде азаматтарды сатып алу құқығы бар жалдамалы тұрғын үймен қамтамасыз ететін болады.
