«Сөзіңе жауап бересің» деген әкім қала тұрғынымен кездесті
Өскемен әкімі Жақсылық Омар мен жергілікті тұрғын арасындағы дауға нүкте қойылды. Бұл туралы әкімнің кеңесшісі Әлібек Лесбекұлы Instagram желісіндегі парақшасында жазды.
Кеңесшінің айтуынша, бұған дейін қала тұрғыны Александр мен әкім сөзге келіп қалған. Әкім мен қала тұрғыны кездесіп, мәселені жүзбе-жүз сөйлесіп шешті.
«Бүгін пікір авторы Александр @sanko999 мен Жақсылық Омар @zhaksylyk_omar жеке кездесіп, тіл табысып, билікті сынау орынды екенін, алайда пікір конструктивті болуы керегін және ол адамның жеке басына тиіспеу керегін айтты. Бұл дауға нүкте қойылды», – деп жазды.
