Елорданың Ұлттық академиялық кітапханасында Қазақстан халқы Ассамблеясы Ғылыми-сарапшылық кеңесінің 10 жылдығына арналған «Әралуандықтағы бірлік: қазақстандық және халықаралық тәжірибе» атты ғалымдар мен сарапшылар форумы өтті.
Форумның ашылуында Қазақстан халқы Ассамблеясы Төрағасының орынбасары – Хатшылық меңгерушісі Ж.Түймебаев ҚХА Ғылыми-сарапшылық кеңесінің мүшелерін кеңестің құрылуының 10 жылдығымен құттықтай отырып, «Бұл белгілі бір меже, өткен кезеңде атқарылған жұмысты саралап, алдағы тұрған міндеттерді айкындайтын кезең. Көпэтностық қоғамда бір шаңырақтың астында сан алуан этнос пен конфессия өкілдерінің басын қосып, бейбіт өмір салтын құру – өте маңызды және жаупкершілігі үлкен мақсат. Осы мақсатты орындауда Қазақстан халқы Ассамблеясының және оның ғылыми-сарапшылық кеңесінің орны ерекше»,– деді.
Іс-шараға Мемлекеттік басқару академиясының ректоры Е.Әбіл, ҚР Президенті жанындағы Қазақстанның стратегиялық зерттеулер институтының директоры З.Шәукенова, ҚР Президенті Мұрағатының директоры Д.Әбдіқадырова, ҚР Парламенті Мәжілісінің депутаттары, дипломатиялық корпус, ҚХА Ғылыми-сарапшылық кеңесінің, этномәдени бірлестіктерінің мүшелері және басқа да бірлестік өкілдері қатысты.
Басқосу барысында ҚХА Ғылыми-сарапшылық кеңесінің 10 жылдығына арналған мультимедиялық таныстырылым және стендтік таныстырылымдар, пленарлық отырыс, панельдік сессиялар және экскурсия ұйымдастырылды.
Шара соңында этносаралық бірлік пен қоғамдық келісімді қамтамасыз етуге үлес қосқан ғалымдар алғыс хаттармен марапатталды.