7 қарашада Ақмола облысында алты санитарлық блокпост қойылады. Бұл туралы өңірлік тауарлар мен қызметтердің сапасы мен қауіпсіздігін бақылау департаментінің басшысы Айнагүл Мусина айтты, - деп хабарлайды Tengrinews.kz.
"7 қарашада сағат 00.00-де Ақмола облысында алты санитарлық блокпост орнатылады. Қазір жабдықтарды орнату бойынша жұмыстар жүргізіліп жатыр, атап айтқанда термометрия қойылады", - деді Мусина.
Ол санитарлық блокпосттар сенбіден бастап жұмыс істейтінін, бірақ көлік қозғалысы жабылмайтынын айтты.
