«Қазгидромет» РМК 7-9 қарашаға арналған ауа райы болжамын ұсынды.
«Алдағы үш тәулікте Қазақстанның басым бөлігіне Ақ теңіз аудандарынан келетін циклон жырасы әсер етеді. Жауын-шашын өтеді, оңтүстік және шығыс бөлігінде кезең соңында қатты жауын-шашын болады. Елдің басым бөлігінде жел күшеюі күтілуде. Кей жерлерде тұман, көктайғақ және жаяу бұрқасын болады», – делінген хабарламада.
