Қазақстанның Тұңғыш Президенті Нұрсұлтан Назарбаев түркі әлемінің алтын бесігі – Түркістан қаласына сапармен келді.
Елбасы шаһарда жаңадан бой көтеріп жатқан мәдени-ағартушылық нысандардың құрылыс барысымен танысты.
Өңірге сапары аясында Нұрсұлтан Назарбаевқа Тұңғыш Президент паркінің және аттракциондар паркінің құрылыс жобалары таныстырылды.
Сонымен қатар Елбасы желілік паркті құру және қалалық Арбатты қалпына келтіру бойынша жұмыс жоспарларының мән-жайына қанықты.
Бұған қоса, Қазақстанның Тұңғыш Президенті «Күлтөбе қалашығы» археологиялық паркін құру жобасы жайында құлағдар етілді.
