«Тауық» сөзін естіген жігіт 62 күн бойы жатқан комадан тұрып кетті

Тайванда 18 жастағы Чиу есімді жас жігіт скутермен жол апатына түседі. Соның салдарынан ол комаға түсіп, 62 күн бойы есін жимаған.

Бұл туралы Taiwannews жергілікті басылымы хабарлады.

Сол кезде дәрігерлер оның көкбауыры, оң жақтағы бүйрегі, бауыры езіліп, ішіне қан кеткенін және ішкі ағзасының бір бөлігі қатты зақымданғанын айтқан. Сондықтан оған дәрігерлер шұғыл операция жасап, науқасты аман алып қалған. Тіпті, сол үшін ота 6 рет жасалған. Сол кезде ол комаға түсіп кеткен.

Газеттің хабарлауынша, Чиудің отбасы оның сауығып, тез тұрып кетуін тілеп отырған. Бір күні пациенттің үлкен ағасы медбикеге Чиудің сүйікті тағамы тауықты жегісі келетінін айтып қалжыңдаған екен. Міне,  сол кезде ол есін жиған. Өйткені сол сөзден кейін науқастың тамыр соғысы күшейіп,  өмірлік белгілері тұрақталып, тайвандық жігіт толық қалпына келген екен.

Байқау айқын
Байқау айқын
Aikyn.kz | Бүгінгі жаңалықтар. Әлем және Қазақстан жаңалықтары.