Нәтижелер жоқ
Барлық нәтижелерді қарау
RU
«Айқын» республикалық қоғамдық-саяси газеті
  • Жаңалықтар
    • Басты жаңалықтар
    • Қазақстан
    • Әлем
  • Экономика
  • Саясат
  • Әлеумет
  • Жаһан
  • Мәдениет
  • Спорт
  • Сұхбат
  • Nur Otan-ның жаңа депутаттары
  • Жаңалықтар
    • Басты жаңалықтар
    • Қазақстан
    • Әлем
  • Экономика
  • Саясат
  • Әлеумет
  • Жаһан
  • Мәдениет
  • Спорт
  • Сұхбат
  • Nur Otan-ның жаңа депутаттары
Нәтижелер жоқ
Барлық нәтижелерді қарау
Aikyn.kz | Жаңалық жаршысы. Ресми ақпарат. Жаңалықтар
Нәтижелер жоқ
Барлық нәтижелерді қарау
Басты бет Әлеумет

Қайтыс болған полиция қызметкерінің отбасына кім көмектеседі?

ІІМ жүйесіндегі күнделікті жұмыс қауіп пен қатерге толы. Тәуелсіздік жылдарында өзінің қызметтік міндеттерін орындау кезінде 797 полицей қаза тауып, 2604 қызметкер ауыр дене жарақаттарын алған екен.

Еркежан Айтқазы
Қараша 11, 2020
Әлеумет, Басты жаңалықтар, Саясат
Қайтыс болған полиция қызметкерінің отбасына кім көмектеседі?
2.4k
қаралым

Артында 4 айлық баласы қалды

Биыл жыл басында Тобыл қаласындағы 102 қашықтан басқару пультіне Комсомольская көшесінің бойындағы үйде отбасылық жанжал туралы хабарлама келіп түседі. Патрульдік полицияның бригадасы 6 минут ішінде оқиға орнына шұғыл жетті. 28 жастағы мас еркек бұрын сотталған. Ішімдікке салынған ол қолына пышақ алып отбасы мүшелерін қорқытады. Полиция қызметкері Дархан Базарбаев мас еркекті ұстау кезінде пышақ жарақатын алады. Оқиға орнына жедел-жәрдем жеткенше полиция қызметкері мерт болады. Дархан Базарбаевтың артында 4 айлық баласы қалды.

Қайтыс болған полиция қызметкерінің отбасына кім көмектеседі?

Қазақстандық спортшылар алдағы жарыстарын Николай Чеботьконың құрметіне арнайды

Қазақстандық танымал шаңғышы 38 жасында қаза тапты

ШҚО-да жол апатынан 4 адам жарақат алып, 1 адам көз жұмды

Жол апатынан екі полицей қайтыс болды

Таяуда Щучинск қаласындағы Абылайхан және Сейфуллин көшелерінің қиылысындағы «Мебелин» дүкенінің жанында жол апаты болып, Lexus NX20 көлігінің жүргізушісі Бурабай аудандық полиция бөліміне тиесілі Lada-21214 қызметтік көлігіне соқтығысқан.

Қайтыс болған полиция қызметкерінің отбасына кім көмектеседі?

Апат салдарынан Lada-21214 қызметтік көлігінің жүргізушісі мен жанындағы жолаушы – Бурабай аудандық полиция бөлімінің учаскелік инспекторлары оқиға орнында қайтыс болған. Қаза тапқан полиция қызметкерлері қызметтік міндетін орындап, жол-көлік оқиғасы болған сәтте оқиға орнынан қайтып келе жатқан.

Жол апатына кінәлі азамат – 25 жастағы Щучинск тұрғыны бұрын Қылмыстық кодекстің 200, 346-баптары бойынша бірнеше рет сотталған, 2022 жылға дейін көлік құралын басқару құқығынан айырылған.

Қайтыс болған полиция қызметкерінің отбасына кім көмектеседі?

     Тәуелсіздік жылдарынан бері ақмолалық 30 полицей қызметтік міндеттерін орындау барысында қаза тапты. Ашық дерек көзіне сүйенсек, соңғы 25 жыл ішінде Жамбыл облысының 47 полицейі қызметтік міндеттерін орындау кезінде қаза тапты. Шығыс Қазақстан облысында қаза тапқандар саны −37.

Артында 9 және 3 жасар екі баласы қалды

«Атырау-Орал» тас жолында болған көлік апатында Ақжайық аудандағы полиция бөлімінің басшысы 30 жастағы Айболат Нұрлыбеков жол апатынан қайтыс болды. Volkswagen Sharan мен жүк көлігінің соқтығысуы салдарынан үш адам қаза болды. Айболат Нұрлыбеков Ақжайық ауданындағы Тайпақ полиция бөлімі басшысының міндетін атқарған. Артында 9 және 3 жасар екі баласы қалды.

Қайтыс болған полиция қызметкерінің отбасына кім көмектеседі?

Көпірден секірген қызды құтқарып ажал құшқан полицей

Былтыр Атырау қаласында Орал өзеніне көпірден секірген бойжеткенді құтқарамын деп сержант ажал құшты. Ішкі істер министрі Ерлан Тұрғымбаев ерлікпен қаза тапқан қызметкерлердің отбасына бір реттік емес, тұрақты негізде көмек көрсетілетінін айтқан еді. Ақымғалиевтар отбасына материалдық көмек көрсетуді министр ерекше бақылауға алды. ІІМ орталық аппаратының, өңірлік полиция департаменттерінің, қылмыстық-атқару жүйесінің қызметкерлері мен құтқарушылар, Ұлттық ұлан әскерилері Шалқардың отбасына материалдық көмек көрсеткен. Арнайы банк шотына қызметкерлер өз еркімен 29 миллион теңге жинапты. Шалқар көпбалалы отбасыдан шыққан. Үйленбеген әрі отбасының жалғыз асыраушысы еді. Полицияда қызмет етіп жүргеніне бес жыл ғана болған екен.

Қайтыс болған полиция қызметкерінің отбасына кім көмектеседі?

«Шалқар әкесі қайтыс болғаннан кейін 6 айдан соң қызметін атқару кезінде оқыстан қаза тапты. Ұлымды жерлеу кезінде барлығы жұдырықтай жұмылып көмектесті. Ақша жинап берді. Астанадан лауазымды тұлғаларға дейін келіп, ақтық сапарға шығарып салды. Ризамын. Мереке сайын хабарласып тұрады. Халық Шалқарымның ерлігін ұмытқан жоқ. Өзім көп балалы анамын. Үлкен қызым 22-де. Қалған балаларым мектепте оқиды.  Ауылдық мектепте күзетші болып жұмыс істеймін. Қаржылай көмектен бөлек Атырау қаласынан екі бөлмелі пәтер береміз деген уәде болған еді. Кейін ІІД басшысы ауысты, әкім ауысты. Бірақ әлі де үмітім бар. Қазіргі пандемия жағдайында кімге, не айтарыңды білмейсің. Бірақ шүкір мемлекеттен жәрдемақы алып отырмын», − дейді Шарқардың анасы Ләззат Маженқызы.

Сын сағатта батыл шешім қабылдай алмаған

Осыдан 4 жыл бұрын 5 маусым күні сағат 14.28-де діни радикалды топ «Паллада» қару-жарақ дүкеніне шабуыл жасағаны есімізде. Дүкен сатушысы бірнеше жерден салынған пышақ жарақатынан сол жерде көз жұмған. Оқиға орынына жедел жеткен «Жедел Күзет» ЖШС екі қызметкерінің біреуі сол жерде радикалдардың оғынан қайтыс болса, біреуі жарақат алған. Жедел келген полиция мен шабуылдаушылар арасында атыс болып, үш полицей ауыр жараланады. Белгілі болғандай, дүкеннен шабуылдаушылар 17 қауіпті қаруды (3 ойықты мылтық, 14 тегіс ұңғылы қару), 3 газды тапанша, оқ пен пышақтарды алып кеткен. «Паллада» дүкеніне жасалған шабуылдан соң қарулы күдіктілер екі топқа бөлінген.

Қайтыс болған полиция қызметкерінің отбасына кім көмектеседі?

Олардың 6 адамнан тұратын бір тобы полицейлерден тартып алған патрул көлігімен өзге “Пантера” қару-жарақ дүкеніне шабуыл жасаған. Ол жерде екі адамға пышақ салып, біреуін жаралап, біреуін өлтірген. “Пантера” дүкеніне жеткен полиция қызметкерлері атыс кезінде үшеуін өлтіріп, біреуін жаралап және біреуін ұстаған. Ал өзге екі күдікті қашып кеткен. Олар кейінірек қала сыртында ұсталып, тұтқынға алынды.

Күдіктілердің екінші тобы жолаушылар автобусын бастап алып, қоғамдық көлікпен 6655 әскери бөліміне басып кіріп, әскери қызметкерлерге оқ жаудырады. Алайда бұл жерде белсенді қарсылыққа тап болған діни радикалдардың бірқатары қолға түссе, біразы із суытып үлгерген. Ұлттық гвардия қатарында қызмет ететін 3 әскери қайтыс болса, алтауы жараланған.

Жексенбіде демалып жатқан әскери бөлім сол күні қару-жарақ қоймасын сақтап қалды. Десе де, сын сағатта батыл шешім қабылдай алмаған әскерилер оқиға орнынан қашқан еді. Олар заң бойынша жазасын алған болатын.

Қайтыс болған полиция қызметкерінің отбасына кім көмектеседі?

Баспанамен қамтып, оқу ақысын төледі

Осындай қызмет бабымен қаза тапқан полиция қызметкерлерінің ерен ерліктері қаншама. ІІМ жүйесіндегі күнделікті жұмыс қауіп пен қатерге толы. Тәуелсіздік жылдарында өзінің қызметтік міндеттерін орындау кезінде 797 полицей қаза тауып, 2604 қызметкер ауыр дене жарақаттарын алған екен.

Олар бір отбасының асыраушысы, тірегі еді. Артындағы қалған отбасына мемлекет тарапынан қандай көмек көрсетілді?

Полиция

«Жолдасым өткен айдың 15-де қызмет бабында қайтыс болды. ІІД тарапынан отбасымызға көмек болсын деп баспана берді. Әзірге жекешелендіріп алған жоқпыз. Бірақ өз аттарыңызға жаздырып береміз деп уәде берді. Үш балам бар. Жерлеу рәсімін Бурабай аудандық ішкі істер бөлімі толықтай өздері ұйымдастырды. Республиканың барлық ішкі істер саласы мамандары қаражат жинап берді. Бұл біз үшін үлкен көмек болды. Кенже баламыз 3-те. Қазір жұмыссызбын», − дейді Отарбаева Ғалия.

Ақмола облысында қызмет бабында қайтыс болған Ерлан Аскеровтың елордадағы «Шабыт» колледжінде оқитын ұлының екі жылдық оқу ақысын – 360 мың теңгені облыстық ІІД төлеп берген. Сонымен қатар, жақында қызмет бабында қаза тапқан Қанат Отарбаев пен Қанат Хамидуллиннің отбасына пәтер беру мәселесі қарастырылып жатыр.

 
Тегтер: адам өліміжол апатыҚызмет бабында қаза тапқаноқыс оқиғаполиция
Алдыңғы жаңалық

Nur Otan: Конференцияда кандидаттарды іріктеді

Келесі жаңалық

«Қазақстан темір жолы» жүк тасымалын арттыру үшін келісімге қол қойды

Ұқсас жаңалықтар

Евгений Федоров
Жаңалықтар

Мәскеуді қорғап қалған Қазақстан халқының алдында басымды иіп, кешірім сұраймын – Федоров

Қаңтар 25, 2021
Нұрымбет Сақтағанов, Семей, әкім
Жаңалықтар

Семейге жаңа әкім тағайындалды

Қаңтар 25, 2021
бала
Жаңалықтар

Қазақстанда баланың қайда жүргенін анықтайтын «Тап мені» жүйесі іске қосылады

Қаңтар 25, 2021
мектеп
Жаңалықтар

Бүгін Шығыс Қазақстанда ауа райына байланысты оқушылар мектепке бармайды

Қаңтар 25, 2021

СОҢҒЫ ЖАҢАЛЫҚТАР

Түркістан облысында қар құрсауында қалған 400-ге жуық адам құтқарылды

Қаңтар 25, 23:09

Нұр-Сұлтанда және өзге 7 өңірде ауа райына байланысты ескерту жарияланды

Қаңтар 25, 22:43

Маңғыстауда жас баланы зорлаған педофил өмір бойына бас бостандығынан айырылды

Қаңтар 25, 22:09

Ақпаннан бастап 1-2 сынып оқушылары мектеп асханаларында тегін тамақтанады

Қаңтар 25, 21:36

«Челси» Фрэнк Лэмпардты қызметінен босатты

Қаңтар 25, 21:07

Қызылорда облысында 4-сынып оқушысы қайтыс болды

Қаңтар 25, 20:57

«Адамдар өлер алдында бірдей түс көрген»: Зерттеу нәтижесі жарияланды

Қаңтар 25, 20:25
ТОЛЫҒЫРАҚ ЖАҢАЛЫҚТАР
«Айқын» республикалық қоғамдық-саяси газеті
  • РЕДАКЦИЯНЫҢ МЕКЕНЖАЙЫ:
  • 010000, Нұр-Сұлтан қаласы, Қонаев көшесі, 12/1.
  • Байланыс телефоны: (7172) 72-95-46.
  • E-mail: aikyngazeti@gmail.com, aikyn_nurmedia@mail.ru
  • www.aikyn.kz
  • www.facebook.com/aіkyn.kz
  • www.twitter.com/aikyn_gazeti

Бұл желі ресурсының ақпараттық өнімдері 18 жастан асқан азаматтарға арналған.

Басты жаңалықтар

Түркістан

Түркістан облысында қар құрсауында қалған 400-ге жуық адам құтқарылды

Қаңтар 25, 2021
Нұр-Сұлтан

Нұр-Сұлтанда және өзге 7 өңірде ауа райына байланысты ескерту жарияланды

Қаңтар 25, 2021
NurMedia Nur otan
Яндекс.Метрика
  • РЕДАКЦИЯ
  • ЖАРНАМА
  • БАЙЛАНЫС
  • ЖАЗЫЛУ

© 2020 ТОО «АЙҚЫН-ЛИТЕР»

Нәтижелер жоқ
Барлық нәтижелерді қарау
  • Онлайн жазылу
  • Жаңалықтар
    • Әлеумет
    • Саясат
    • Экономика
  • COVID-19
  • Nur Otan-ның жаңа депутаттары

© 2020 ТОО «АЙҚЫН-ЛИТЕР»