Йоркширде (Англия) MTK Global және TOP Rank компанияларының кәсіпқой бокс кеші өтті. Осы бокс кешінде Тұрсынбай Құлахмет (1-0, 1 КО) бірінші орта салмақтағы WBC International бос титулы үшін жергілікті боксшы Маклеем Макгоуэнмен (14-0-1, 3 КО) кездесті. Бұл туралы Aikyn.kz Vesti.kz-ке сілтеме жасап хабарлайды.
Он раундқа есептелген жекпе-жекте Құлахмет төрешілердің шешімімен жеңіске жетті (99-89, 99-89, 99-89). Жетінші раундта қазақстандық қарсыласын нокдаунға жіберді. Осылайша, Құлахмет өзінің мансабындағы алғашқы титулды жеңіп алды. Ол үшін оған тек екі жекпе-жек қажет болды: жазда отандасы Сағадат Рахманқұловты (6-2, 4 КО) мерзімінен бұрын жеңіп, профи-рингте дебют жасаған еді.
Ал Макгоуэн үшін бұл мансабындағы алғашқы жеңіліс. Тұрсынбай Құлахмет 2019 жылғы Азия чемпионы және 2019 жылғы әлем чемпионатының қола жүлдегері.
