Стационарларда коронавирус жұқтырған 2 868 науқас ем алып жатыр. Бұл туралы Денсаулық сақтау министрлігінің баспасөз қызметі хабарлады.
«Қазіргі уақытта коронавирус инфекциясынан 7 941 адам ем қабылдауды жалғастыруда. Олардың арасында 384 бала бар. Стационарларда 2 868 науқас жатыр. 5 073 адам амбулаториялық жағдайда емделуде. Жалпы науқастардың арасында 182 адамның ахуалы нашар. Соның ішінде 21 науқастың ахуалы аса қатты ауыр деп бағалануда. 27 науқас өкпені жасанды желдету аппаратында жатыр», - делінген министрлік хабарламасында.
