Шымкентте Qazaq Epos республикалық жобасы аясында өткен «Тұлпар мініп, ту алған!» байқауының жеңімпазы белгілі болды.
Байқауға 116 мектептен мыңнан аса оқушы мен 600-ден аса мұғалім қатысып, оның 12-сі ақтық кезеңге жолдама алды. Қатысушылар 132 бет — 5206 жолдан тұратын «Қобыланды батыр» жырының Марабай жырау нұсқасын жатқа айтып жарысты. Сонымен қатар қазақ тілі мен әдебиеті оқулығы бойынша әзірленген сұрақтарға жауап берді. Байқау жеңімпазы 1-орын алған Салтанат Мақсұт 1 млн теңге иеленді. Жетекшісі Айгүл Әбдіматоваға 2 млн теңге табысталды.