Трамплиннен секіру бойынша Саппорода өтетін әлем чемпионатының 4 жарысы кейінге қалдырылды. Бұл туралы Саппороның шаңғы қауымдастығы хабарлады.
Дзюдодан Grand Slam турнирі өткенде спортсүйер қауым қуанған-ды. Әсіресе, алда қысқы спорт түрлерінен бірнеше жарыс күтіп тұрған. Алайда Халықаралық шаңғы федерациясы 9 және 10 қаңтар күндері әйелдер арасындағы Әлем чемпионаты кубогінің қос сайысын, одан кейін 6 және 7 ақпанға жоспарланған ерлер арасындағы бәсекені кейінге шегерді. Себеп – пандемия.
Саппороның шаңғы қауымдастығы әлем чемпионаты солтүстіктегі бас арал Хоккайдо, оның астанасы Саппоро қаласында инфекцияның таралуына байланысты кейінге қалдырылғанын мәлімдеді. Қауымдастық шетелден келетін спортшылар мен қызметкерлердің, сондай-ақ өз спортшыларының денсаулығын бірінші орынға қоятынын, осыған байланысты чемпионатты кейінге шегергенін айтты.
Айбике ЖАНАСЫЛ
