Маңғыстау облысында көлік тізгіндеген 14 жастағы жасөспірім анықталды. Ол жол-көлік оқиғасы болған кезде оқиға орнынан қашып кеткен.
Желіде тараған кадрларда Hyundai Elantra және Lada Largus көліктерінің соқтығысқан сәті көрінеді. Hyundai жүргізушісі оқиға орнынан қашып кетуге асыққан деп жазады Tengrinews.kz.
"Бейнеу аудандық полиция бөлімінің қызметкерлері жүргізушілердің жеке басын анықтады. Іс материалдары Бейнеу ауданының кәмелетке толмағандардың істері жөніндегі бөліміне берілді. Аталған факті бойынша Әкімшілік құқық бұзушылық туралы кодекстің 612 - бабы, 5-бөлігі бойынша әкімшілік хаттама толтырылып, құқық бұзушының ата-анасына рәсімделді", – деп хабарлады Маңғыстау облысы полиция департаментінің баспасөз қызметі.
Сондай-ақ, жүргізушінің ЖКО-ға байланысты міндеттерін орындамағаны үшін Lada Largus жүргізушісіне хаттама толтырылды. Полиция ақпарат жинағаннан кейін материалдар аудандық әкімдікке, кәмелетке толмағандардың құқықтарын қорғау жөніндегі комиссияға берілетінін айтты.
https://www.youtube.com/watch?v=P1D-zvMbBNo&feature=emb_logo&ab_channel=LADAKZ%D0%A0%D0%B5%D0%B7%D0%B5%D1%80%D0%B2
