«Nur Otan» партиясы Шымкент қалалық филиалының ұйымдастыруымен «Әйел – ана, әйел – еңбекқор» тақырыбында онлайн жиын өтті.
ZOOM платформасы арқылы өткен отырысқа Шымкент қалалық іскер әйелдер кеңесінің төрайымы Алма Архабаева, жастар мен қоғам белсенділері қатысты. Қашықтан өткен мәжілісте қоғамдағы қыз-келіншектерді еңбекке, кәсіпкерлікке көптеп беру мәселесі қаралды. Жиынға қатысушылар бұл мәселе төңірегінде өздерінің ұсыныс-пікірлерін ортаға салды. – Ол үшін банктер тарапынан көпбалалы аналарға жеңіл несие беру жағы қаралуы қажет. Сондай-ақ аналарды арнайы бизнес курстарда оқыту үшін қызықтыру керек, – деп санайды қоғам белсенділері. Жиында жас қыздар да бүгінде жұмысқа тұру мәселесі өзекті екенін айтты. Осыған орай, Үкімет тарапынан жастарды қолдауға арналған арнайы бағдарламалар қажет екенін тілге тиек етті.А.ЖАСАНҰЛЫ