Қостанай облысы Жітіқарада болған қайғылы жағдайдың себебі тексеріліп жатыр.
Суға батып бара жатқан жеткіншектерді ең бірінші 65 жастағы зейнеткер құтқаруға тырысқан. Тәртіп сақшылары да көмектесуге тез жеткен. Құтқарылған үш баланың екеуінің денесі үсіп қалып, оқиға орнында қайтыс болған. Сегіз жасар бала ауруханаға жеткізілген.
Қостанай облыстық ПД баспасөз хатшысы Ирина Беженарьдің айтуынша, балаларының өміріне жауапсыздықпен қараған ата-ана жауапқа тартылуы мүмкін.
«Қазір оқиғаның себеп-салдары анықталуда. Ал балаларын қараусыз қалдырған ата-аналардың бес жылға дейін бас бостандығынан айырып не болмаса сол уақыт көлемінде бас бостандығынан шектелуі мүмкін», — деді Ирина Беженарь.
